شــــــم
النسـيـــــــــم
النسـيـــــــــم
انا كنت من مدمني الرسم و التلوين علي قشر البيض في اليوم ده لغاية ما الواحد مبقاش يعمل كدا بقي
و طبعا بيبقي في نوعين
في بيضة قشرتها لونها احمر و في بيضة قشرتها لونها ابيض
و الاحمر اسهل لان فيها الخلفية متلونة جاهزة
بس الابيض احلي لو عايزين نعمل خلفية براحتنا
كنت علي طول باصحي اقعد ارسم بالقلم الرصاص و ألون بالالوان الخشب عشان الالوان المياة كانت بتبوظ البيضة و تخليها مينفعش تتاكل بعد كدا
و في المعظم و انا مشغل التلفزيون جمبي بتكون القناة الاولي او التانية جايبة كليب الدنيا ربيع بتاع سعاد حسني
باقعد في اودة القعاد ما بين التلوين و ما بين التلفزيون لغاية ما والدي يسخن العربية و اجمع منتجاتي الفنية
و نطلع علي النادي الاوليمبي عشان نقابل جدي و جدتي و ساعات خالتي و اولادها
و اشترك بأحسن رسمة عملتها في مسابقة احسن رسم علي البيضة و مكسبش زي كل مرة
بيغلب علي اليوم ده طابع حلو اللي هوا طابع التلوين و اللمة و هيصة النادي
و ساعات كان بيبقي في فقرات تانية غير المسابقات و كانت بتبقي مسلية
و حمدا لله مليش في الفسيخ و جو الموالح العالي بتاع اليوم ده
و مالها الكيكة ؟
^_^
No comments:
Post a Comment